Фердинанд Шевальдің мінсіз сарайы

Пошташы Фердинанд Шеваль аймақтағы деревняларға хат тасып, күніне 25-30 шақырым қашықтықты еңсеріп келеді. Бір күні ол шалынып құлап, ерекше пішіндегі тасқа назар аударады. Шеваль «кедергі тасты» қалтасына салады да, оған кішкентай қызына арналған ертегілік сарай тұрғызсам деген ой келеді. Алдағы 33 жыл бойы жұмыстан қалт етіп қолы босаған сәтте өзі сатып алған шағын жер телімінде құрылыс жүргізіп, оны «мінсіз сарай» деп атайды.