«Хваран» жасағы

Оларды «гүлдей жігіттер» — хварандар деп атаған. Олар король әулетінің қамқорлығымен әскери академияда білім алған. Мұнда тек келбетті, IQ деңгейі жоғары әрі спортқа бейім жігіттер ғана қабылданатын. Бірақ әлеуметтік мәртебе маңызды болмаған. Сондықтан бір бөлмеге қарапайым жігіт те, ақсүйек те, тіпті тақ мұрагері де орналастырылған. Жігіттер бастапқыда сөзге келіп, төбелесіп жүрсе де, кейін достасып кетеді. Ақырында бір-біріне бауыр басқаны сонша — шайқаста досы үшін жанын беруге дайын болады.