Ажырасам

Аружан өзін өлімге әкелетін ауыр дертке шалдыққанын біліп, бар болғаны үш ай өмірі қалғанын естиді. Ол бұл жайды ешкімге айтпай, күйеуімен ажырасуға шешім қабылдайды — мақсаты, оған болашақта бақытты өмір сыйлайтын мінсіз жар тауып беру. Бұл жолда оған достары көмектеседі. Күйеуімен қоштасып, оны басқа бір жақсы қызбен таныстырған соң, Аружан өлімді жалғыз қарсы алуға бел буады. Алайда тағдыр күтпеген бұрылыс жасайды — достары оны қайта тексеруден өткізуге көндіріп, нәтижесінде оның мүлде сау екені анықталады. Енді Аружанның алдында жаңа міндет тұр: сүйікті күйеуін қайта тауып, болған жағдайдың бәрі дәрігерлердің қателігінен екенін түсіндіру. Бірақ бәрі ойлағаннан әлдеқайда күрделірек болып шығады.