JASTAR

30 жасқа дейінгі қазақстандық жастардың дүниетанымы аға буыннан өзгеше. Прогрессивті көзқарастағы жастар қоғамның дамуына елеулі үлес қосып, жоғары азаматтық жауапкершілігімен, саналы ұстанымымен және бастамашылдығымен ерекшеленеді. Фильм авторлары әртүрлі мамандық иелерінің өмірі мен қызметін көрсетеді. Олардың барлығы – өз ісінің кәсіби мамандары әрі қалдықтарды қайта өңдеу, панасыз жануарларды құтқару сияқты маңызды әлеуметтік жобаларды жүзеге асырып жүрген белсенді азаматтар. Фильмнің басты мақсаттарының бірі – қазақстандық жастарды қоғамға пайдалы істерге, мамандықты жүрек қалауымен таңдауға, ортақ жауапкершілікке және өз еліне жанашырлықпен қарауға шабыттандыру.