Өл немесе есте сақта

Қарызға белшесінен батқан жолы болмаған Ес бір күні қоқыс алаңынан жадын жоғалтқан Айка есімді қызды тауып алады. Ол кім екенін де, өткен өмірін де мүлде есіне түсіре алмайды. Айка Естен көмек сұрап, оның соңынан қалмай қояды. Бастапқыда Ес бейтаныс қыздан құтылғысы келеді. Алайда Айка егер өзіне кім екенін еске түсіруге көмектессе, міндетті түрде алғыс қайтаратынын айтады. Бандиттерден құтылып, қарыз мәселесін шешуді ойлаған Ес оған көмектесуге келіседі. Кейін олар «адам өлер алдында бүкіл өмірі көз алдынан өтеді» деген қағидаға негізделген ерекше тәсіл туралы біледі. Айканың жады қайта оралуы үшін Ес оны қайта-қайта өлім шегіне жеткізуі керек. Бірақ ең қиыны — Айка тірі қалуға тиіс.