Айбынды аула

Аула тұрғындары қап-қап дәнді тасып қоймаға апара жатқан. Кенет ойламаған жерден қарақшы егеуқұйрықтардың шабуылына тап болды. Олар балапандардың дән толы қабын тартып алмақшы. Қылышын жалаңдатқан қарақшылардан қорқып қалған балапандар әуелінде не істерін білмей абдырап қалды. Сол сәтте олардың жанынан жекпе-жек өнерін меңгерген саяхатшы, жауынгер мысық пайда болды. Көзді ашып-жұмғанша қарақшылар жан-жаққа шашырап, жер болып жеңілді. Осылайша, ардақты жауынгердің батырлығы мен ептілігінің арқасында бөбектер өздері де аман, дәндері де аман қалып, ары қарай жолын жалғастырды.